ROXAS CITY – Gin-athag sang Pathologist sa Molecular laboratory sang Roxas Memorial Provincial Hospital (RMPH) nga may posibilidad nga ma-delay ang pagpaguwa sang RT-PCR test result sang mga nagtaliwan nga pasyente sa ospital.
Ini ang ginpahayag ni Dr. Iros Jan Bernadas, sang mainterview sang Bombo Radyo.
Suno diri, isa sa ginalantaw nga rason amu ang kakulangon sa medtech trainees kag sang mga nurses.
Dugang pa sini, nga ang laboratory ang may yara gid lamang sang 6 ka mga medtech trainees, kag nagatrabaho sang kapin 12-oras, apat ka adlaw kada semana.
Nahibaluan nga may iban nga mga himata ang ginapakamaayo nga ilubong nalang insigida ang ila nagtaliwan nga himata apisar wala pa sang RT-PCR test result bangud sa ila nga paghulat.
Suno sa Pathologist, bukas ang laboratoryo sa adlaw sang Lunes, Martes, Huwebes kag Sabado, apang kun matabuan nga gin-swab ang pasyente nga sarado ang laboratoryo, gina-forward sini ang specimen sa may bahin sang Iloilo, rason nga medyo madugay ang pagpaguwa sang resulta.
