Nagapadayon ang pagkaayo sang City Engineers sang Roxas City Government sa malapad kag mataas nga culvert nga kabahin sang drainage project sa Datiles Street sa Barangay Tiza, Roxas City.
Ang culvert amo ang tamburong nga alagyan sang tubig sa idalom sang kalsada nga ginalantaw makabulig sa pagbaha sa lugar.
Sa interview sang Bombo Radyo kay Melvin Galagate, Head sang Roxas City Communications Group, iya ginpahayag ang amo nga proyekto kabahin sang pagpatuman sang Oplan Kontra Baha sang syudad.
Suno kay Galagate, padayon ang pagpatuman sang Roxas City Government sang nagakaigo nga mga tikang batok sa pagbaha ilabi na sa tion sang mabaskog nga pag-ulan.
Ginalauman man sang syudad ang kooperasyon sang mga pumuluyo paagi sa husto nga paghaboy sang basura agud malikawan ang pagbara sang mga drainage kag culvert nga mahimo mangin kabangdanan sang pagbaha.
