Ginalauman ni Department of the Interior and Local Government (DILG) Secretary Juanito Victor “Jonvic” Remulla nga ang pagdakop kay Former Ako Bicol Representative Zaldy Co ang makasolbar sa imbestigasyon sang maanomaliya nga flood control projects.
Suno kay Remulla, ang pagkadakop sa anay kongresista ang kabahin lamang sang mas malapad nga imbestigasyon sa mga iregularidad sa mga proyekto sa idalum sang flood control scheme.
Dugang pa ni Remulla, diri magasugod ang pagporma sang mga kamatuoran nahanungod sa sini nga bagay kag mabuyagyag ang dalagku nga mga tawo sa likod sang maanomaliya.
Samtang ginpaandaman naman sang tiglikom ang iban pa nga mga indibidwal nga involve sa sini nga mga maanomaliya nga indi sila maprotektahan sang ila kwarta, ilabi na kun determinado gid man ang mga otoridad sang Pilipinas nga pangitaon kag dakpon ang mga ini.
