Ginakabig sang National Bureau of Investigation (NBI) nga isa sa posible motibo sa reklamo nga ginpasaka batuk kay Vice President Sara Duterte amo ang nagalala sini nga relasyon kay President Ferdinand Marcos Jr.
Sa impeachment court hearing, ginpahayag ni NBI Regional Director for the Bangsamoro Autonomous Region in Muslim Mindanao (BARMM) Atty. Jeremy Lotoc nga isa sa mga nag-analize sang relasyon sang duha ka pinakamataas nga opisyal sang pungsod, subong man ang mga pahayag sang Bise Presidente batok sa Presidente nga suno sa iya, nagapakita sang daku nga kaakig.
Suno kay Lotoc, ang motive analysis ang kabahin sang kabilugan nga imbestigasyon agud mahibaluan kun natuman ang mga kinahanglanon nga elemento sang ginpasaka nga reklamo.
Dugang pa niya, base sa ila imbestigasyon, nagapati ang NBI nga bastante na ang mga ebidensya nga ila natipon agud suportahan ang reklamo.
Pahayag pa ni Lotoc, nagpagwa man sang certification ang Department of Justice (DOJ) nga nagasiling nga kumpleto na ang referral nga ginsumite sang NBI kag may bastante nga basehan agud ipaidalom sa preliminary investigation ang reklamo.
