Ang pagpatay ukon pagkakas sang “aging cells” sa lawas ang mahimo nga makapahaba sang kabuhi, ini ang suno sa bag-o nga pagtuon nga una na nga ginhimo sa isa ka ilaga.
Pinaagi sa mga ilaga, nagamit ang mga eksperto sang isa ka bulong nga may ikasarang magpatay sang “aging cells”.
Ang mga ilaga nga nagpaidalum diri, ang nagkabuhi sang mas madugay ikumparar sa mga ilaga nga wala ginkuhaan sang aging cells, ba-se sa resulta sang pagtuon.
Sa pihak sini, kinahanglan pa nga tun-an sang instakto sang mga researcher ang ila pagtuon kung epektibo pa bala ini indi lamang sa mga ilaga.
Ang bulong nga gingamit agud kakason ang aging cells sang mga ilaga, mahimo nga nangin epektibo bangud ang mga ilaga isa ka
transgenic.
Pahanumdum ni Christin Burd, assistant professor sang molecular genetics sa The Ohio State University nga ang mga researcher “can’t make transgenic humans,” buot silingon wala pa sang kasiguraduhan kung maga-epekto ini sa isa ka indibidwal.
Ang “aging” ukon senescent, ang cell nga gintun-an sang mga researcher sa ginpatigayon nga pagtuon amu ang dysfunctional cells nga nagapugong sa pagtunga ukon pagdamo kag ginkumparar sa age-dependent disease.
Samtang, suno naman kanday Jesus Gil kag Dominic Withers, mga clinical science professor sa Imperial College London, ang nangin resulta ang nagpakita nga “the removal of senescent cells does indeed delay aging and increase healthy life span,”
