Nagpaandam ang Philippine Chamber of Commerce and Industry (PCCI) nga madamo ang madulaan sang trabaho sa tion nga ipapasar sang Kongreso ang P200 across-the-board wage hike.
Suno sa Presidente sang PCCI nga si George Barcelon, ang bag-o nga proposal makabig nga inflationary sa ekonomiya kag posible nga madamo ang madulaan sang trabaho.
Dugang pa sini nga indi man suno diri madula nga ipasa sang mga negosyante sa consumer ang dako nga bahin sang P200.00 nga wage hike apang sa pihak sini madula na ang pagiging competitive sang Pilipinas.
Mahibaluan nga kadam-an nga mga produkto sa pungsod nagikan sa Vietnam, Thailand kag madamo pa, ini bangud mas barato ang ila baligya kag mas competitive sila.
Dugang pa ni Barcelon nga kada tuig, masobra 1-M ang nagadugang sa work force apang tunga sa milyon lamang ang sarang nga mahatagan sang trabaho.
Apang ginkontra naman ni IBON Foundation Executive Director Sonny Africa, ang pahayag sang PCCI nga inflationary ang P200 nga dugang nga sweldo kag plano nga ipasa sa mga consumer ang epekto sang wage hike.
Pahayag ni Africa nga indi mangin inflationary ang hagna kag indi na kinahanglan nga ipasa sa consumer ang wage hike bangud kinahanglan lamang nila nga himuon buhinan ang dako nga interest sang mas ukon 12%.
