Ginapangunahan sang mga grupo sang empleyado ang indignation rally sa Maynila, bilang pagkondena sa ginaprubahan nga Bicameral Conference Committee nga 2025 Pambansang Budget kung sa diin ginhatagan sang zero subsidy ang PhilHealth.
Suno kay anay Department of Finance (DOF) undersecretary Cielo Magno ang ginahimo sa karun sang kongreso sa PhilHealth, nagapakita sang pagpang-ipit bangud luyag lang suno diri sang mga kongresista nga pun-an ang ila pangpersonal nga kinahanglanon kaangay sang pagmumod sang mga ayuda sa publiko kag gintalikdan ang kahimtangan sa ikaayong lawas.
Ginbatikos man sini si House Speaker Martin Romualdez kung sa diin ginsiling nga wala sang may ginahimo kundi magroad show.
Bangud sini, nagpanawagan ang mga empleyado sang ‘veto, restore kag reform’ kung sa diin ginapa-veto nila kay Pangulong Ferdinand ‘Bongbong’ Marcos Jr. ang ginratipikahan nga bersyon sang Bicam nga National Budget, kag ginasinggitan nga ibalik ang subsidiya sa PhilHealth.
Subong man ang pagbiya sa puwesto sang liderato sang Department of Health (DOH) kag PhilHealth nga si Sec. Ted Herbosa nga siya ang Chairman sang PhilHealth Board kag nagatinguha nga gamiton ang sobra-sobra nga pondo sang PhilHealth.
