Padayon nga gina imbestigaran sang mga kapulisan ang pagkalumos sang isa ka menor de edad sa banwa sang Pontevedra, Capiz.
Ang biktima amo si alyas Nene, kag residente sang Brgy. Ilaya, Pontevedra Capiz.
Sa interview sang Bombo Radyo kay Police Captain Dennis Losbañes, Officer in Charge sang Pintevedra Municipal Police Station, iya ginpahayag nga wala madiparahan sang lola sang biktima nga naglakat ini kag nagkadtu sa suba agud nga maligo.
Suno kay Losbañes, ang manghod sang biktima amo ang ulihi nga nakakita gani gilayon man nga ginpadulungan ang lugar sang insidente.
Gintinguhaan pa nga madala sa ospital ang biktima apang gindeklara nga dead on arrival.
Sa subong, nagapakig-angot ang kapulisan sa Pontevedra LGU agud mabutangan sang mga warning signs ang palibot sang suba para mapahibalo ang publiko sa posible nga peligro sa pagpaligo nga wala sang bantay, ilabi nasa mga kabataan.
