ROXAS CITY – Kasubong nga ginalauman na sang chairman sang Committee on Ethics sa Sangguniang Panlungsod nga makuha sang Barangay Lawaan ang kampeonato sa Lupong Tagapamayapa 2020 Provincial level sang Department of Interior and Local Government (DILG).
Ginpahayag ni City Councilor Midelo Ocampo nga sadto pa sang ini ang barangay kapitan sang Milibili, ang Barangay Lawaan, Cagay kag Baybay ang ila close competitor sa nasambit nga kumpetisyon.
Wala man sang problema kay Ocampo kun nagpangibabaw ang Barangay Lawaan sa karon nga kumpetisyon sang DILG, bangud nagatinguha man ang tanan nga partisipante nga magpangibabaw sa diin katuyuan sang programa sang ahensiya nga ma-improbar ang justice system sa kabaranggayan.
Nagapati ang opisyal nga posible wala nakapasakup ang Barangay Milibili sa Lupong Tagapamayapa 2020 bangud indi pa handa ang mga opisyales sang bag-o nga administrasyon.
Samtang kumpyansa si Ocampo nga indi imposible nga indi makalab-ot sa national level ang Barangay Lawaan, bangud sa nakita sini nga mga improvement sa best practices sang amo nga barangay.
