Sini nga tigtulugnaw nagatubo man ang tropical fruits kaangay sang Chico.
Ang Chico ukon Sapodilla ang ginarekomenda sang mga eksperto nga ilakip sa diet bangud manggaranon ini sa dietary fiber, vitamin C, kag anti-inflammatory agents.
Suno kay Shirley Johanna, registered dietician sa India, ang Chico ang wala lang nagapabakod sang intestines kundi nagapasanyog man sang immunity kag nagapalikaw sa nanuhay-tuhay nga bacterial infections bangud sa presensya sang vitamin C sa nasambit nga prutas.
Pahayag ni Johanna, ang mataas nga content sang anti-imflammatory agent nga ”tannins” sa prutas nga Chico ang nagabulong man sa balatian nga esophagitis, enteritis, kag gastritis.
Magluwas diri, natukiban man nga ang chemical compounds nga yara sa Chico ang makabulong man sa ubo kag ang antioxidants kag vitamins A kag B sang prutas ang nagapugong naman sa formation sang tumour cells kag nagapanubo sang risgo sa pag-angkon sang isa ka indibidwal sang balatian nga cancer.
Dugang pa sang dietician, bulong man sa kaluyahon ang pag-inom sang juice ukon shake sang Chiko bangud napamatud-an nga isa ka ”energy booster” ang ini nga sahi sang prutas.
