Gintudlo ang rason sa karon ang pagkapatay sang Oscar-winning actor nga si Gene Hackman kag asawa sini si Betsy nga natural cause, suno sa New Mexico Office of the Medical Investigator.
Madumduman nga nakit-an ang mga bangkay sang mag-asawa sadtong Pebrero 26, sa ila nga puluy-an sa Santa Fe, New Mexico, USA nga suno sa mga imbestigador isa ka semana lang ang sa tunga sang pagkapatay sang mga ini kag isa ka misteryo sa gihapon para sa ila.
Sa isa ka pahayag ginkumpirma ni Heather Jarrell, Chief Medical Examiner sang New Mexico Office of the Medical Investigator, nga ang rason sang pagkapatay ni Hackman ang may kaangtanan sa hypertensive kag atherosclerotic cardiovascular disease, kag ang Alzheimer’s disease ang may dako nga bahin sang mga ini.
Samtang, ang rason naman sang pagkapatay ni Betsy Hackman ang gintumod sang mga medical examiner nga isa ka hantavirus pulmonary syndrome, isa ka sakit nga halit sang virus dala sang mga ilaga.
