ROXAS CITY – Wala sang dako nga epekto sa pungsod Canada ang sa karon pagkomemorar kay Queen Elizabeth II sa state funeral sini sa Westminster Abbey, London, UK.
Ini ang ginpahayag ni Mr. Lazaro Basinang, Bombo International Correspondent sa Canada sang ma-interview sang Bombo Radyo.
Mahibaluan ginakabig nga Commonwealth State ang Canada sang UK matapos ginsakop ini nila sadto.
Sa pihak sini, nagapabilin nga autonomous country ukon independiente ang Canada apisar ginakabig nila sa gihapon nga Reyna si Queen Elizabeth II.
Ginpakigbahin ni Basinang nga kun mag-oathtaking ang mga immigrant sang ila citizenship sa Canada, sa Reyna ukon representante sini sila nagapanumpa.
Suno diri, kasubong normal lang nga adlaw para sa mga pumuluyo sang Canada subong nga adlaw kun san-o ginapatigayon ang state funeral service sang Reyna.
Wala man niya suno diri nakita nga naka-half-mast ang hayahay sang Canada nga ginahimo agud magpakita sang respeto sa tawo nga nagtaliwan.
Sa iya pagkahibalo, nagpadulong ang ila Prime Minister nga si Justin Trudeau sa UK agud magtambong sa nasambit nga kahiwatan.
Dugang pa ni Basinang nga Holiday subong para sa mga government employees.
Nagalantaw lang sila suno diri sa telebisyon sang nagakalatabo may kaangtanan sa lubong ni Queen Elizabeth II.
