Nangin matawhay ang pagkomemorar sang tigkalalg sa bahin sang Loctugan Catholic Cemetery.
Sa interview sang Bombo Radyo kay Punong Barangay Lilian Cordenillo, iya ginpahayag nga apisar amdamu sang tawo nga nagbisita, nangin matawhay kag malinong ang palibot sang nasambit nga patyo.
Suno kay Punong Barangay Cordenillo, wala sang may naglapas sang pagdala sang mga ginabawal nga mga butang kaangay sang kutsilyo kag makahulubog nga ilimnon subong man wala man sang may nabalhag nga may naglain sang ila pamatyag samtang yara sa patyo.
Pahayag pa niya, may yara sang mga nagpalab-ot sang reklamo apang madasig man ini nga nasolbar sa bulig sang mga katapo sang kapulisan.
Nagapanawagan man ang natungdan nga mangin aligmat man sa posible nga pag-igo sang Bagyo Tinos a probinsya sang Capiz kag maghanda sa tion nga magtaas ang tubig sa mga manubo nga lugar sang barangay kag gilayon nga mag-evacuate.
