ROXAS CITY – Nagapati ang Capizeño nga criminal lawyer nga nakaba-se sa Metro Manila nga mahimo kwestyunon ang legalidad sang extension sang martial law ni President Rodrigo Duterte.
Suno kay Atty. Nelson Borja napagkit sa laye nga tobtob duha lamang ka bulan ang igadugay sang martial law.
Nagpanindugan pa si Borja nga wala sang legal nga balasehan ang gobyerno para sa extension sang martial law matapos nga ginpalawig ini tobtob Disyembre 31, 2017.
Pabor man ini sa ginpasaka nga petisyon sang mga petitioners agud mahatagan sang panahon ang korte nga mausisa ang nagakahinabo sa Mindanao labi na sa Marawi City.
Samtang, gindayaw naman ni Borja ang nangin tikang sang mga petitioners bangud daku ang posibilidad nga mangin madinalag-on ang plano nga pagkwestyon sa legalidad sang extension sang martial law.
