Ginalantaw sang mga otoridad ang mga aktibidad sa internet sang menor de edad nga gunman sa rason sang pagpangluthang sa Debsirin Nonthaburi School sa Nonthaburi Province, Thailand.
Suno kay Bombo Cleo Rose Jondonero, international correspondent sa thailand,ulihi nga nangin biktima sang menor de edad nga suspek antes sang insidente amo ang paglantaw sang mga tutorial videos sa YouTube kag ang online game nga Roblox nahanungod sa paggamit sang armas luthang.
Nahibaluan nga naglab-ot naman sa siyam ang ginreport nga mga napatay sa insidente, lakip ang mga empleyado sang eskwelahan kag iban pa nga biktima, samtang madamo naman ang nasamaran.
May mga nauna nga report nga naghatag sang mas manubo nga death toll bangod padayon pa ang pag-update sang mga otoridad.
Sandig sa mga report, 14-anyos ang edad sang gunman kag antes ang pagpangluthang sa eskwelahan, ginaalegar nga ginluthang man sini ang iya mga lolo kag lola.
Sa subong, nagapadayon ang imbestigasyon sang mga otoridad agud mahibaluan ang motibo sang insidente kag kon ano pa gid ang mga nag-impluwensya sa gin-alegar nga aksyon sang menor de edad nga suspek.
