Pagligum dulom sang pila ka poste sang streetlights sa Arnaldo Boulevard gin-aksyunan na – Kap. Reynaldo Magallanes

ROXAS CITY – Gin-aksyunan ni Kapitan Reynaldo Magallanes sang Barangay Baybay, sining syudad ang reklamo sang madamo nga mga pumuluyo sang Arnaldo Boulevard sining syudad angut sa pagligum dulom sang lugar bangud sa wala pagsiga sang streetlights.

Ginpahayag ni Kapitan Magallanes nga gilayon siya nga nagpakig-angut sa City Engineer’s Office bilang sabat sa gindangup nga reklamo sang mga pumuluyo.

Suno sa opisyal nga nagpasiguro man sa iya ang natungdan nga talatapan sang gobyerno sang syudad nga matsekyar ang actual damage sang streetlights nga nagtuga sang kadulom humalin sa gina-construct nga daku nga mall sa Arnaldo Boulevard tobtob sa Bangko Sentral ng Pilipinas.