Naglab-ot na sa Duha ang napatay sa paglupok sa isa ka pabrika sang bala sa Marikina City.
Ginkumpirmar ni Police Colonel Geoffrey Fernandez, hepe sang Marikina City PNP nga bangud sa malubha nga pilas nga naangkon, wala nakalampuwas sa ospital ang duha ka mga biktima.
Samtang ang isa naman ka kaupdanan ang nakaangkon sang menor nga pilas sa iya lawas.
Ang mga biktima lunsay mga empleyado sang Armscor Global Defense Incorporated sa diin nagahimo sila sang mga bala sang sang naglupok ang primer component.
Makaligad ang pila ka oras, ginbawian sang kabuhi ang duha ka mga biktima sa Amang Rodriguez Memorial Medical Center bangud sang grabe nga pilas sa dughan tuga sang shrapnel.
Nagpasalig naman ang kompaniya nga magakooperar sila sa imbestigasyon sang kapulisan.
