Narecord sang Philippine Institute of Volcanology and Seismology (PHIVOLCS) ang paglupok sang Bulkan Kanlaon sa Negros Island Region subong nga adlaw.
Suno sa report, na-record ang abo kag aso gikan sa bulkan antes kag natapos ang paglupok mga alas 7:36 sang aga.
Ang Kanlaon ang isa sa mga aktibo nga bulkan sa pungsod kag nahamtang sa Negros Occidental kag Negros Oriental.
Sa mga nagliligad nga tinuig, nagpakita man ini sang aktibidad sa pila ka beses nga mga phreatic eruption nga nagtuga sang kakugmat sa malapit nga mga komunidad.
Sa subong, padayon ang monitoring sang mga otoridad sa bulkan agud masiguro ang kaluwasan sang mga residente.
Samtang ginapanugyanan naman ang publiko nga magpabilin nga alerto kag magsunod sa mga advisories sang PHIVOLCS angut sa posible epekto sang kaangay nga paglupok.
