ROXAS CITY – Pagmanifest kag pagtutom, isa sa mga nangin yabi agud makapasar kag malab-ot ang handum sang kaugalingon kag pamilya.
Sa interview sang Bombo Radyo kay KC Oducado Architect Passer, ginpahayag sini nga ang iya kurso nga architect ang iya 1st choice kag handum nila sang Iya ginikanan.
Suno kay Oducado, nakuha sini niya ang iya hilig kag abilidad pag-abot sa design sa iya nga amay sa diin todo man ang suporta nga ginahatag sa iya.
Indi man suno diri matuod nga sa pagkuha sang amu nga kurso sagad sa Mathematics apang, dugang ini nga abanse ilabi na kun nagapakighinala sa mga client.
Kinahanglan lamang nga mangin matutom kag magtuon sang intsakto, indi mag-untat nga maghibalo sang mga bagay nga makahatag sang dugang nga ihibalo kag makabulig sa pagtuon.
Dako man ang iya pagpasalamat sa ginoo, sa iya pamily, mga abyan kag mga tawo nga nag-upod kag naghatag sang giya sang tion nga kinahanglan niya agud malab-ot ang iya handum.
Plano sa karun ni Oducado nga samtang nagahulat sang Oath taking, nagapangita ini sang trabaho nga mahimo niya sudlan sa iban nga pungsod.
Tinutuyo sini agud madugangan pa ang iya ihibalo kag madala niya ini pabalik sa Capiz ilabi na sa banwa sang Sapian.
Mensahe sini sa kaangay man nga estudyante kag magakuha sang exam, indi mag-untat sa paghandum, pagpangamuyo, magsalig sa ikasarang sang kaugalingon kag indi pagkalipatan nga atipanon ang kaugalingon.
