ROXAS CITY – Ginapreparahan na sa karon ang labi pa nga paglamig sang panahon ukon pagnubo sang temperatura sa Amerika sumugod las 7 sini nga aga.
Sa intervbiew sang Bombo Radyo Roxas kay Bombo International Correspondent Raffy Fernando, ginpahayag sini nga lauman nga magalab-ot sa -21°F ang temperatura sa Indiana, USA sini nga aga.
Bangud diri, tuman nga preparasyon ang ginahimo sang mga pumuluyo nga apisar yara sila sa sulod sang balay, kinahanglan nila magsul-ob sang madamo nga bayo kag medyas agud maibanan ang kalamigon.
Daku man ang posibilidad nga ma-break ang record peak sang Amerika sadtong 1984 sa diin na-rekord ang una nga pagnubo sang temperatura nga nagalab-ot sa -21°F.
Suno kay Fernando nga gikan ang tuman ka lamig nga naexperiensiyahan Amerika kag kaingud nga pungsod sa nagtug-a nga snow sang nagligad nga duha ka adlaw.
Kalakip sa mga apektado sang tuman kalamig nga panahon ang estado sang Minnesota, Ohio, Michigan,Indiana, Pennsylvania kag New York sa Amerika kag Toronto sa Canada.
