Isa ka maayo nga balita kag positibo nga pag-umwad para sa pungsod ang pagnubo sang numero sang mga tawo nga wala sang trabaho.
Ini ang ginpahayag ni Speaker Ferdinand Martin G. Romualdez kaangut sa Labor Survey sang Philippine Statistics Authority (PSA) nga nagapakita nga ang numero sang mga Pilipino nga wala sang trabaho ang nagnubo sa 3.2 porsyento sadtong Nobyembre sang nakaligad nga tuig nagikan sa 3.9 porsyento sadtong Oktobre 2024 ukon kabaylo sang 1.66 milyon katawo.
Nagnubo man ang underemployment rate sa 10.8 porsyento sang Nobyembre nagikan sa 12.6 porsyento sang Oktubre.
Ginpahayag ni Speaker Romualdez nga ang pagnubo sang mga numero sang mga wala sang trabaho kag underemployment ang nagakahulugan nga padayon nga nag-umwad ang ekonomiya sang pungsod sa idalum sang pagpamuno ni Presidente Ferdinand R. Marcos Jr. kag padayon ang pagdamu sang mga oportunidad para makatrabaho kag mag-angkon sang pangabuy-anan ang mga pumuluyo.
Kalakip sa mga programa nga ini, suno kay Speaker Romualdez ang Ayuda sa Kapos ang Kita Program (AKAP) kag ang Assistance to Individuals in Crisis Situation (AICS) nga ginapamunuan sang Department of Social Welfare and Development (DSWD), amo man ang Tulong Panghanapbuhay sa Ating Disadvantaged/Displaced Workers (TUPAD) nga ginapatuman sang Department of Labor and Employment (DoLE).
Ginpahayag sang kongresista sa mga Pilipino nga wala sang trabaho nga nagkuha sang mga paghanas kag retooling coursing nga gina-offer nga programa sang Technical Education and Skills Development Authority (TESDA).
Ginsiguro man ni Speaker Romualdez sa publiko nga ang Kongreso, ilabi na ang Kamara de Representantes, ang padayon nga mangin kabulig sang administrasyong Marcos sa pagtinguha nga mapabilin ang pag-umwad sang ekonomiya.
