ROXAS CITY – Pabor ang information officer sang Bureau of Fire Protection (BFP) sa probinsiya sang Capiz sa plano sang Duterte administration nga armasan sila sa ini nga tuig.
Ginpahayag ni SFO2 Marlon Garbo nga ang plano sang Department of Interior and Local Government (DILG) nga ma-isyuhan sila sang armas ang sandig sa direktiba ni President Rodrigo Duterte.
Nagapati ang presidente nga kinahanglan na sang mga personnel sang BFP ang issued firearms bangud sa ila pag-asister sa Philippine National Police sa mga emergency situations kag sa pagpatuman sang public safety ukon kalinong kag katawhay sa isa ka lugar.
Suno kay Garbo nga posible luyag sang presidente nga mangin legal ang pag-isyu sang 9mm pistol sa mga BFP personnel nga ginakabig sini katuwang sang kapulisan sa paghatag seguridad.
Magluwas pa diri ang pila ka mga insedente nga kinahanglan man nga proteksyunan sang mga bombero ang ila kaugalingon batuk sa mga nagatuyo maghimo sang kalakasan.
Partikular nga gintumod ni Garbo ang pila ka insedente kasubong sa ginarespondihan nga sunog sa diin indi malikawan nga i-harass sila sang mga residente nga nagapamilit nga unahon sa pagpalong ang ila nasunog nga balay.
Apang antes ma-isyuhan sang armas ang mga BFP personnel, kinahanglan nga magpaidalum sila sang gun and safety training
