Ginpasiguro ni Presidente Ferdinand Marcos Jr. ang pagpa-uswag sang Pilipinas kag regional agenda paagi sa pagtambong sa ika-47 nga ASEAN Summit sa Kuala Lumpur, Malaysia subong nga adlaw tubtob 28, 2025.
Sa iya speech sa Villamor Air Base sa Pasay, antes siya magbiya, ginpasalig sang chief executive ang malapad nga pagpasanyog sang mga isyu nga makabenepisyo sa mga Pilipino.
Gin-imbita siya sang Malaysian Prime Minister Datu Seri Anwar Ibrahim, ang subong nga ASEAN Chair, nga mag-upod sa mga lideres sang ASEAN, Dialogue Partners, kag mga tiglawas sang mga internasyonal nga organisasyon.
Suno sa Department of Foreign Affairs, ginalauman nga magatambong si Presidente Marcos sa 14 ka mga pagsinapol sang mga lideres kag tatlo ka signing ceremonies, lakip na ang pag-abi-abi sa Timor-Leste bilang ika-11 nga miyembro sang ASEAN.
Pagaistoryahan man ang mga isyu pareho sang sitwasyon sa Myanmar, mga pagpanghangkat sa ekonomiya, kag iban pa nga mga isyu sa rehiyon.
Magahiwat man siya sang bilateral nga mga pagsinapol agud padalumon ang diplomatiko nga relasyon kag usisaon ang bag-o nga mga lugar sang kooperasyon.
Sa katapusan sang summit, pormal nga isaylo sang Malaysia ang ASEAN chairship sa Pilipinas para sa masunod nga tuig.
