Kumpiyansa ang National Economic and Development Authority (NEDA) nga ang pagbaskog sang sektor sang enerhiya pati sang transportasyon ang paagi agud mapabilin nga malig-on ang inflation sa pungsod.
Ini matapos ibalita sang Philippine Statistics Authority (PSA) ang paghinay sang inflation rate sang pungsod sa 3.7% sang Hunyo nagikan sa 3.9% sadtong Mayo.
Suno sa NEDA, dako na nga bagay ang pagnubo sang balayran sa kuryente amo man ang sunud-sunod nga rollback sa presyo sang mga produkto sang petrolyo sang tinalikdan nga bulan sang Hunyo.
Nangin rason ini para magnubo man sang presyo sang mga nagapanguna nga produkto kag serbisyo sa pungsod.
Ginpahayag ni NEDA Secretary Arsenio Balisacan, nagapabilin sila nga committed nga maabot ang 3% tubtob 4% nga target inflation rate kun padayon nga maganubo ang pagsuluktan sa kuryente kag ang oil price rollback.
