Nagpahanumdom ang grupo nga Silong Roxas publiko nga mangin responsable sa pet ownership.
Ini kasunod sang pila ka mga ido nga ginpanghaboy sa higad sang dalan sa Barangay Baybay, Roxas City.
Sa interview sang Bombo Radyo kay Belle Maestro, founder sang Silong Roxas, iya ginpahayag nga dapat halongan sang maayo ang pag-atipan sang mga tag-iya sa ila mga ido agud malikawan ang kaangay nga insidente.
Suno kay Maestro, ang pagpabaya sa mga hinuptanan nga ido mahimo nga mangin isa ka criminal offense sa idalom sang Animal Welfare Law.
Ginapahayag man sini nga yara na sa maayo nga kahimtangan ang mga nasalbar nga puppies nga ginrescue sang grupo.
Nagalaum naman ini nga magpadayon ang kampanya para sa animal welfare awareness sa Roxas City kag ma-educate ang mas mga pumuluyo parte sa husto nga pag-atipan sang mga sapat.
