ROXAS CITY – Ginahalad ni Capiz 1st District Congressman Emmanuel Billones Sr., sa tatlo ka Capizeño soldiers nga napatay sa marawi siege ang pagpabor nga mapalawig ang martial law sa Mindanao.
Sa interview sang Bombo Radyo Roxas kay Congressman Billones, ginpahayag sini nga ginakabig niya nga mga baganihan ang tatlo ka mga soldado nga mga Capizeño nga nagbuwis sang ila nga kabuhi bilang pagtuman sa ila nga obligasyon sa pungsod.
Samtang nagapati ang kongresista nga indi maapektuhan ang ila nga relasyon sa Liberal Party, bangud antes pa ang joint session sang kongreso sang nagligad nga Sabado, naglisensiya ini sa partido nga magaboto siya pabor sa pagpalawig sa martial law sa Mindanao.
Matandaan nga sa interview man sadto sang Bombo Radyo, gin-ako ni Congressman Billones nga makaangkon sila sang individual votes sa Magnificent 7, kag ila iba-se ang pagboto sa mangin pagpaathag sang mga security advisers ni President Rodrigo Duterte.
