PONTEVEDRA – Nagdepensa ang Municipal Administrator sang LGU Pontevedra nga si Joenifer Tumlos sa ginapaubra nga christmas tree sa plaza nga nahamtang sa monumento ni Dr. Jose Rizal.
Sa interview sang Bombo Radyo kay Tumlos nga sang ginpresentar sa ila ang design sang christmas tree nagpahanugot man ang alkalde nga si Myor Henry Tumlos bangud wala man ini snag may nakita nga malain kag wala gintabunan ukon gintandog ang monumento sang baganihan.
Suno kay Tumlos nga ila ginarespeto ang monumento, apang ginpadaku gid lang ang isyu bangud sa pulitika agud maguha nga sila ang malain sa mata sang tawo.
Dugang pa sini nga sa pihak sang madamo nga pagpangbatikos ipadayun sa gihapon nila ang pagpahamtang sa monumento kay nagapadugang ini sang katahum sang ila Christmas Village nga ginakadtoan sang kadamuan agud magpalitrato.
Samtang handa man sila nga mag-atubang kung may yara sang mga magreklamo natuhoy sa ila nga nangin aksyon.
