Ka-bombo, mahilig ka bala maggamit sang brown sugar bilang pampatam-is sa imo ilimnon ukon sa imo ginahimo nga dessert?
Matuod nga nagahatag ini sang satisfaction sa mga mahilig sa matam-is,apang ari pa gid ang pat-od nga magahatag sa imo sang satisfaction bangud indi lang ini para sa imo tutunlan kag tiyan, kundi sa imo man panit.
Suno kay Dr. Tsippora Shainhouse, isa ka board-certified dermatologist sa Santa Monica, California, ang brown sugar ang kilala nga ginagamit bilang scrub para sa pag-exfoliate sang panit.
Ini ang source saang glycolic acid nga amo ang pinakagamay nga alpha-hydroxy acid (AHA) nga maka-panalupsop sa panit agud pahalugon ang bonds sang skin cells nga naga-promote sang cell growth.
Ang brown sugar isa man ka natural humectant nga nagabulig sa panit agud mangin mahumok kag hydrated.
Ang application sang brown sugar sa panit ang nagapa-lighten sang panit kag nagapadula sang scars. Nagabulig man ang pagpahid sang brown sugar sa guya agud makalikaw sa pimples.
