Ginalauman nga makapamag-an sa mga Negrense ang pagtingub sa isa ka rehiyon sa mga lugar sang Negros Occidental, Negros Oriental, kag Siquijor.
Ini ang nangin pahayag ni Pangulong Ferdinand Marcos Jr., matapos pirmahan bilang layi ang Negros Island Region Act ukon RA 12000.
Suno sa Presidente, praktikal nga tingubon sa isa ka rehiyon ang mga lugar para sa madasig nga pag-access sang mga Negrense sa serbisyo sang gobyerno.
Indi suno diri kaangay subong nga kinahanglan pa nga magtabok sa baybayon kag maggastos agud makapadulong sa regional centers sang iban nga isla.
Indi man patas ang pag-umwad sang duha ka probinsya kag indi parehas ang pagpondo bangud nagatunga sila sa parehas nga natural resources kag mga industriya kaangay sang kalamay, turismo kag renewable energy.
Apang bangud sa bisa sang bag-o nga layi, kumpiyansa si Pangulong Marcos nga maga-umwad pa ang rehiyon kag mangin mas mas epektibo kag episyente ang pagdul-ong sang serbisyo.
