ROXAS CITY – Hugot nga ginapamatukan ni anay Bayan Muna Representative Neri Colmenares ang plano sang Social Security System nga ipaiway ang pagpatuman sa second phase sang pension hike sa 2019.
Ginpahayag ni Colmenares sang ini ang mainteview sang Bombo Radyo Roxas nga wala san kunsiderasyon kag insensitive ang pamunuan sang SSS kun ipadayun nila ang ila nga plano.
Ginkadlawan lamang ni Colmenares ang nagalapta nga report nga madulaan sang pondo ang ahensiya, kun ipatuman sang SSS ang 2nd tranche nga P1,000 sa mga pensioners.
Ginbuyagyag man sini nga ginabulubanta nga nagalab-ot sa P65 bilyones ang wala pa nakolekta nga premiums gikan sa mga employer nga wala ginabayad ang kontribusyon sang ila nga mga empleyado.
Gindugang pa ni Colmenares nga ang pagtaas sa SSS members’ monthly pension ang kinahanglan bangud sa epekto sang inflation nga tuga sang Tax Reform for Acceleration and Inclusion (TRAIN) law.
Naghatag man sang panugyan ang anay mamalidha sa SSS nga agud indi mabutang sa alang alang , kolektahon na lamang ang wapa pa nakabayad nga employer, magpatuman sang collection effiency kag buhinan ang operating cost.
Nagpanindugan man si Colmenares nga wala sang pagkapierde ang SSS makabaton sila sang subsidya gikan sa gobyerno.
