ROXAS CITY – Ginsiguro ni Eduardo Apaap acting OIC Jail Warden sang Capiz Rehabilitation Center (CRC) nga ila pagatutukan ang imbestigasyon natuhoy sa pagpalagyo sang isa ka Person Deprived of Liberty (PDL) nga si Jeanus Artuz, 32-anyos kag residente sang banwa sang Cuartero kag matandaan nga nagapangatubang si Artuz sa kaso nga murder.
Suno kay Apaap nadiskubrehan na lamang nila nga kulang ang preso sang nagpatigayon sila sang head count sa mga preso.
Bangud Diri, gilayon nga nagpadulong ang mga jail guards sa banwa sang Cuartero agud magpangayo sang bulig sa katapo sang Cuartero MPS.
Gilayon man nga nadakpan si Artuz nga ginatuyo kun tani sini nga magpauli sa ila nga balay.
Sa pagpangusisa sang katapo sang CRC jail guards kay Artuz, ginpahayag sini nga nag-taklas siya sa pader agud makaguha.
Isa sa nangin rason sini sang iya nga pagpalagyo, agud kuhaon ang iya nga parte sa pagbaligya-anay sang ila nga duta.
Dugang pa diri nga nakasumiter man sang incident report si Apaap kay Governor Nonoy Esteban Evan Contreras.
Samtang suno sa Gobernador kay Apaap, pagahulaton sini kun anu ang nagakadapat nga disciplinary action ang igapatigayon para sa mga jail guards nga nagpabaya sa ila nga responsibilidad rason nga nakapalagyo ang nasambitan nga preso.
