Masami ka bala nga nagatext ukon nagagamit sang cellphone?
Suno kay Dr. Richard Condor, Consultant Orthopedic Spine Surgery, padayon nga nagataas ang numero sang mga tawo nga nagaka-adik sa cellphone.
Ang mga tawo nga adik sa cellphone ang ginapahayag nga nagabatyag sang “separation anxiety” kun madugayan nga indi makaptan ang ila nga cellphone.
Ang pagka-adik sa cellphone ang may yara sang indi maayo nga epekto sa ikaayong lawas kaangay sang pagburon sang panan-awan, pagpalanakit sang kamot kag liog kag ilabi na nga mahimo makaapekto man ini sa trabaho kag pagtamod sa mga tawo.
Panugyan sang eksperto, magpahuway kag tinguhaan nga indi makagamit sang cellphone sa isa ka adlaw kag mahimo man nga isa ka bulan agud nga indi na ini mangin tunaan pa sang balatian sa ulihe.
Indi manigar nga ang cellphone ang nangin kabahin na sang kabuhi sang tawo, apang indi magpasobra sa paggamit sini.
