Pagpalangga sa talento kag abilidad ang naghatag sang dalan sang kadalag-an para sa isa ka LET Passer
Sa interview sang Bombo Radyo kay Hannah Salapar, tumandok sang Barangay Banica, Roxas City kag nagtapos sang Bachelor of Secondary Education major in Physical Education sa Capiz State University-Main Campus, iya ginpahayag nga ginpili niya ang amo nga kurso agud mas mahanas pa kag ma-share niya ang iya ihibalo sa sports kag pagsaot.
Suno kay Salapar, na-enjoy gid niya ang bug-os nga journey sang iya pag-eskwela bangud madamo siya sang mga bagay nga nadiskubre nga mas nagpa-improve sang iya kaugalingon kag naghatag sa iya sang kumpiyansa.
Pahayag pa niya, nagapasalamat ini sa iya ginikanan nga wala gid nagakataka sa paghatag sang bulig, suporta kag kabakod sa iya sa tanan nga tion sang iya pagtuon.
Nagpasalamat man siya sa iya mga abyan nga iya nga upod niya sa pagreview bangud daku ang ini nga bulig agud dululungan man nila nga maangkon ang pagkapasar sa nasambit nga examination.
Dugang pa sang natungdan,, importante ang pagsalig sa kaugalingon kag sa Diyos bangud ini ang mangin kusog agud matuman ang tanan nga handum sa kabuhi.
