Suportado ni Senador Alan Peter Cayetano ang panukala nga palapnagon ang pagboto sang Overseas Filipino Workers (OFWs) kag iban pa nga Pilipino sa iban nga pungsod pinaagi sang electronic kag postal voting.
Ini ang kasunod sang paglathala sang Senate Committee Report No. 369, nga gin-file sang Senate Committees on Electoral Reforms; and Finance kag sponsor nga si Senadora Imee Marcos.
Ginatuyo sang panukala nga ini nga amyendahan ang Overseas Absentee Voting Act agud masabtan ang mga hamon nga na-eksperyensyahan sang mga botante nga Pilipino sa iban nga pungsod kag malikawan ang ila pagka-disenfranchise.
Ginsiling man sang senador nga dako ang ambag sang mga OFW sang 2023 nga may kabug-usan nga $33.5 bilyon nga remittances — kabaylo sang 8.5% nga GDP sang pungsod.
Dugang pa ni Cayetano nga ang panukala ang naayon sa Article II, Section 5 sang Konstitusyon sang Pilipinas nga nagamandu sang safe nga sistema para sa absentee voting para sa mga Pilipino sa luwas sang pungsod.
Ang panukala ang nagatuyo nga magka-electronic voting gamit ang mga ligtas nga online platform pati na ang postal voting para sa mga may limitado nga akses sa internet.
Tuyo man sini nga magka- sistema para sa mga seafarers kun sa diin pwede sila nga magboto online apisar indi na magpanaog sa barko.
Agud masiguro ang seguridad kag madali nga paggamit sang mga bag-o nga pamaagi sang pagboto, ang Commission on Elections (COMELEC) ang ginmanduan nga magtalana sang mga hilikuton agud maalagaan ang datos sang mga botante kag siguraduhon nga madali nga magamit sang mga Pilipino sa luwas sang pungsod.
