Pagpalawig sang manubo nga taripa sa pila ka meat products ginkalipay sang importers

ROXAS CITY – Ginkalipay sang mga yara sa industriya sang mga manugbaboy ang pagpalawig sang manubo nga taripa sa pila ka meat products.

Suno sa Philippine Association of Meat Processors Inc. (PAMPI) kag  Meat Importers and Traders Association (MITA), may maayo nga padulungan ang pagpalawig sang pagpanubo sang taripa sa mga pork kag mechanically deboned meat sang poultry tubtob 2028 sa idalom sang Executive Order 62.

Ginpahayag ni PAMPI vice president Jerome Ong nga mabawi na nila ang nagatinaas nga presyo sang pila ka raw materials kag fuel agud mapabilin ang ila nga presyo.

Sa ila nga pagbulubanta, nagtaas sang 10 tubtob 15 porsiyento ang presyo sang raw materials.