Ginapaboran sang Capiz Provincial Liga President kag Ex-Officio Board Member nga si Hon. Nico Yap ang hagna nga ginproper sa talatapan sang Presidente may kaangtanan sa pagpalawig sang termino sang Barangay and Sangguniang Kabataan Officials.
Sa interview sang Bombo Radyo kay Hon. Yap, iya ginpahayag nga sa kun mapapasar ang amo nga hagna dako gid ang benepisyo sang yara sa mga posisyon.
Suno sa iya, ang duwa ka tuig nga duration sang pagpanerbisyo bilang opisyal sa barangay indi bastante pag-abot sa pagtukod kag pagdihon sang mga proyekto para sa mga pumuluyo rason nga suno sa iya maayo gid kubn maaprubahan ang apat ka tuig nga duration sa duwa ka termino.
Sa pihak nga bahin, iya ginsiling nga indi nya man mabasol ang pila ka mga indibidwal nga nagpabutyag sang pagpakamalaut sang amo nga hagna bangud nga ang tagsa-tagsa may yara man sang rason base sa ila neksperyensyahan sa ila sini tagsa ka mga opisyales sa barangay. Apang, base sa ila nga monitoring, wala naman suno sa iya sang may dako gid nga nagapamatok sa amo hagna sa bahin sang probinsya sang Capiz.
Pahayag pa ni Yap, dako ini nga bagay para sa mga nagapanerbisyo agud nga maimplementar kag matukod sang maayo ang mga ginaduso nga proyekto kag ginapangabay sini sa tagsa ka mga opisyales nga gamiton sa kaayuhan ang pagpanerbisyo –ihatag para sa mga pumuluyo indi kay para lang sa sadiri nga interes bangud ang pagdumala kag pagpungko sa amo nga pwesto ang resulta sang pagsalig sang mga pumuluyo.
In an interview with Bombo Sunnie Mae Constantino Batencila
