ROXAS CITY –Ginakabig sang mga katapo sang militar nga isa ka proganda ang natabo nga pagpalupok sang mga ginapatihan katapo sang New People’s Army (NPA) sa detachment sang 12 (IB) Infantry Battallion sang Philippine Army sa Barangay Katipunan, Tapaz.
Ini ang ginpahayag ni Major Cenon Pancito, tagpamaba sang 3rd Infantry Division (ID) sang Philippine Army sang mainterview sang Bombo Radyo.
Ginpahayag ni Pancito nga wala sang dapat kabalak-an ang militar bangud wala sang intensyon nga magpangsakit ang nasambit nga mga rebelde.
Suno kay Pancito nga kabahin ini sang compliance sang direktiba sang CPP-NPA sa mga rebelde sa bilog nga Pilipinas nga magpang-atake sa mga militar.
Gindugang pa sini nga magluwas sa pagpang-atake sa mga militar, nagapati ini nga may yara sang on-going nga recruitment activities ang mga rebelde sa lugar.
Samtang ginkompirmar man ni Pancito nga wala ang presensya sang mga rebelde nga grupo sa nasambit nga barangay.
