Isa sa mga ginalantaw nga nagapanguna nga rason sang kaso may kaangtanan sa firework related injury sa probinsya, amu ang pagpalupok gamit ang boga.
Sa ginpaguha nga datos sang Capiz Provincial Health Office, nakapagkit na ang ila talapan sang 2 ka mga kaso sang FRI kung sa diin lunsay mga kabataan ang biktima.
Matandaan nga ang nasambit nga numero ang nagikan sa banwa sang Pilar kag Dumarao kung sa diin nag-angkon sang pilas sa mata.
Gani, panugyan sang ahensya sa publiko ilabi na nga nagahilapit na ang pagsaulog sang bag-ong tuig nga kung mahimo likawan ang paggamit sang anu man nga sahi sang palupok ilabi na ang mga kabataan.
Sa mga ginikanan ginapanugyanan nga bantayan sang maayo ang mga kabataan agud malikawan ang mga indi maayo nga epekto kag agud maselebrar ang Bag-ong Tuig nga masadya kag luwas.
