Hugot nga ginkondena nanday House Assistant Majority Leader kag Lanao del Sur, 1st District Representative Zia Alonto Adiong kag 1-Rider Party-list Representative Rodge Gutierrez ang pagpamahog ni Vice President Sara Duterte nga kutkuton ang bangkay ni anay Pangulong Ferdinand Marcos Sr., kag ihaboy sa West Philippine Sea (WPS).
Suno kay Representative Adiong, ginpakita sini nga isa ka desperado nga bastos si VP Sara nga nagapilit matakpan ang isyu sang sala sini nga paggamit sa pondo sang publiko.
Pahayag sini nga ang intsakto kun tani sini nga himuon nga sabton ang mga alegasyon batuk sa iya sa baylo nga maghimo sang mga makahuluya nga aksyon kung sa diin makabig nga pag-atake sa cultural values.
Suno naman kay Congressman Gutierez, kung anu man ang himuon sang bise-presidente indi sini matakpan ang mga ginapangatubang nga kontrobersyal may kaangtanan sa kwestyunable nga paggamit sa pondo sang kaniyang talatapan kag sang Department of Education (DepEd) ilabi na ang may kaangtanan sa confidential funds.
