Nangin madinalag-on ang pagpanagtag sang Department of Social Welfare Development-Regional Office 6 sang cash relief assistance sa mga PUJ Driver sa probinsya sang Capiz.
Sa interview sang Bombo Radyo kay Therese Fely Legaste, Regional Information Officer sang Department of Social Welfare Development-Regional Office 6 , iya ginpahayag nga yara sa masobra 600 ka mga beneficiary ang nakabaton gikan sa nagkalain-lain nga banwa kag syudad sa probinsya.
Suno kay Legaste, wala man sang nabalhag nga delay sa pagpanagtag bangud kaangay preparado ang mga driver sang mga requirements antes pa man magpadulong sa payout venue.
Pahayag pa niya, sa indi makakuha bangud sa emergency matters, may yara sang igapatigayon nga special payout sa igatalana nga schedule.
Nagalaum man ang natungdan nga gamiton sang mga driver sang husto ang cash relieg assistance nga daku gid ang bulig sa pagpahagan-hagan sang adlaw-adlaw ng pagpangabuhi.
