ROXAS CITY – Wala sang kinahanglan nga pinilian ang pagpanakop sa dalan sa tion sang operasyon sang Land Transportation Office (LTO).
Ini ang nangin pahayag ni Ma. Lourdes Casipe LTO Chief Roxas City sang mainterview sang Bombo Radyo.
Suno kay Casipe, kinahanglan nga mangin patas sa tanan ang pagpatuman sang layi pag-abot sa trapiko kag kinahanglan wala sang gina-amligan ilabi na sa tion nga mahibaluan may yara sang kakulangan sa dokumento nga ipakita sa ila opisyales.
Ini matapos, madamo sang mga motorista ang nagareklamo bangud daw kaangay nga sila lang mismo suno diri ang ginatutukan sang LTO nga dakpon kag ang mga nakasalakyan ginapalagpas lamang.
Mahibaluan nga sa tion makumpiskar ang isa ka salakyan, mismo sa talatapan sang LTO ini ginaderitso kag diri man ginaproseso ang mga kinahanglanon antes ini makuha sang tag-iya.
Ginklaro man ni Casipe nga kinahanglan bayaran ukon i-settle sang tag-iya ukon drayber ang mga ginlapas sini antes dalayon nga makuha ang salakyan.
Para sa mga magaparehistro, ginpasiguro sini nga madasig lamang ang pagproseso bangud sa bag-o nga sistema nga ginagamit sang ahensya.
Panugyan sini sa tanan nga pananglitan may yara sang mga kinahanglan nga balayaran ukon may yara sang ginbayular nga layi, asikasuhon na ini bangud sa tion nga liwat magrenew sang lisensya makit-an sa gihapon ini sa ila nga record.
