Ginhatagan pagtamod ni Senator Christopher “Bong” Go nga ang prinsipyo nga ginauyatan ni anay President Rodrigo Duterte sa pagbato sa kriminalidad — amu ang pangapinan ang mga inosente nga kabuhi kag siguruhon nga napatuman ang kasuguan sa sulod sang mga limitasyon sini.
Liwat nga ginpahayag ni Go nga apisar kilala ang administrasyong Duterte sa mapag-on sini nga panindugan batuk sa krimen, partikular sa droga, klaro suno diri ang mga direktiba sang anay Pangulo nga indi dapat mabutang sa katalagman ang mga inosente nga kabuhi kag dapat maghulag sang responsable ang mga alagad sang kasuguan.
Ginpunto sang senador nga sa pihak sang pagdoble sang suweldo sang mga pulis sa mga una nga tuig sang termino ni Duterte agud batakon ang integridad sang PNP, may mga pipila sa gihapon nga nagahimo sang kriminal nga aktibidad kag amu ini suno diri ang nagpadismaya sa anay presidente.
Gintumod man ni Go ang imbestigasyon sang Senado sadtong 2019 nga nagatalakay sa “ninja cops” — mga pulis nga naulamid sa mga iligal nga aktibidad — ang nagapakita sa maathag nga panindugan ni Duterte sa accountability.
