ROXAS CITY – Padayon ang imbestigasyon sang Roxas City PNP sa natabo nga pagpangawat sa isa ka balay sa Barangay Dinginan, Roxas City.
Ang nasambit nga balay ginapanag-iyahan sang senior citizen nga si Lilia Bernada, 86-anyos sang nasambit nga lugar.
Sandig sa inisyal nga imbestigasyon ni Police Staff Sergeant Gamin Unarce nga naga-isahanon si Bernada sang nagpadulong sa iya balay ang duwa ka suspek nga sanday Joelan Delfin, 25-anyos Vincent Ambong, 18-anyos kag Nomer Dela Cruz 23-anyos, nga lunsay mga residente sang Sitio Plaridel, Barangay Cagay, sining siyudad.
Nahibaluan nga nagpamangkot ang mga suspek kun may yara sang scrap ang amo nga biktima apang lipod sa iya ihibalo nga ginkawat na ni Delfin ang electric transformer kag ginbutang sa iya nga tricycle nga gilayon naman nakapalagyo ang mga suspek.
Samtang, narekober naman sa balay ni Delfin ang lawas sang amo nga electric transformer.
