Pagpangawat ni Ruby Arikis sa mga balaligyaan ginatutukan na sang mga kapulisan

Nakalab-ot na sa talatapan sang Roxas City PNP ang ginahimo nga pagpanulod-sulod sa mga balaligyaan kag pagpangawat ni Ruby Arikis.

Sa interview sang Bombo Radyo kay PCMS Ramil Arcangeles, may ara na sang nag-pablotter batuk kay Ruby apang wala paman nakadisisyon kun magapasa ini sang nagakaigo nga panumbungon sa suspek.

Suno pa diri nga may ara sang nagakaigo nga ahensya nga amo ang magabulig kag magatatap sa sitwasyon ni Ruby nga may problema mental.

Dugang pa ni Arcangeles nga makapila na ka beses ini sadto ginabuligan nga madala sa ahensya nga nagakadapat nga magtatap sa iya apang ini ang nagapalagyo.

Samtang sa tion naman nga magpasaka sang kaso ang mga biktima, magakooperar ang mga ini agud indi na masulit ang amo nga insidente.