ROXAS CITY – Istrikto nga ginapatuman sang Roxas City Police Station sa pagpanguna ni Police Lt. Col. Ricardo Jomuad Jr., ang pagpangdakup sa mga curfew violators nga ginapatuman sang gobyerno sa katuyuan nga matapna ang paglapta sang COVID-19.
Nahibaluan nga sang nagliligad nga mga inadlaw masako ang mga katapu sang Roxas City PNP sa pagpangdakup sa mga nagalapas sa curfew hour.
Suno kay Jomuad nga alas 10 sa gab-I tobtob las 4 sa kaaganhon ang ginapatuman nga curfew hour sa diin nagalibot ang patrol kag ginatsekyar ang kabaranggayan sa syudad.
Bangud sa curfew hour nahagan hagan ang crime volume kag iban nga iligal nga aktibidad.
Kadam-an sa nagkaladakpan ang mga menor de edad nga yara pa sa kalye sa disoras sang gab-i.
May yara sang disciplinary action sa mga nagalapas sa pagsulundan kasubong sa pagrender sang mga violators sang community service, paglecture sa ila sang kapulisan angut sa epekto sang COVID-19.
Samtang nagpangabay man ini sa mga ginikanan nga bantayan ang mga kabataan kag indi pagpahanugutan nga magtenir sila sa dalanon sa disoras sang gab-i.
