ROXAS CITY – Magapadayon sa pagpanghatag sang bugas sa tanan nga barangay sa syudad sang Roxas ang Pinuno Partylist nga ginapangunahan ni Rep. Howard Guinto kaupod sanday Board Member Jose Fulgencio ‘Pepe’ Del Rosario kag madamo pa.
Sa interview sang Bombo Radyo kay Hon. Moreno Gonzaga City Councilor ginpahayag sini nga gina-akomodar sang amu nga proyekto nga mahatagan sang bugas ang mga pumuluyo nga wala nahatagan nagikan sa alkalde, mga ginpangkakas sa listahan kag prayoridad ang mga pamilya nga sumugod umpisa wala nakabaton sang bugas.
Suno kay Gonzaga sang damlag lang una na nga nahatagan sang bugas ang Barangay Barra, Barangay 4, Dayao, kag Mongpong.
Mahibaluan nga nakabaton ang pumuluyo sang 15 ka kilo nga bugas kag P1,000.00.
Ginpahayag man ni Gonzaga nga sa karun ginatutukan pa ni Rep. Guinto ang syudad sang Roxas pinaagi sa pagpanghatag sang bugas kag sa mga banwa naman luyag sini nga magtukod sang mga proyekto.
Panugyan sini sa pumuluyo nga may yara sang gintalana nga contact person agud maghatag sang giya sa mga resiketos nga kinahanglan irepresentar.
