Roxas City – Wala sang may nakalab-ot nga report sa talatapan ni Punong Barangay Erwin Oroceo sang Barangay Baybay, ang nagluntad nga pagpanghold-up sang damlag lang sa ila nga barangay.
Sa interview sang Bombo Radyo kay Oroceo, ginpahayag sini nga may yara nga naka-duty sa ila nga outpost kada adlaw kag gab-i nga mga Barangay officials apang posible suno diri nga ginbantayan lamang ang mga ini sang mga suspetsado nga magroving antes natabo ang insidente.
Dugang pa sini nga wala man sang may nagpangayo nga bulig sa ila agud respondehan ang amu nga hitabo kag ginkakibot na lamang sini niya sang mahibaluan nga may yara sang nagluntad nga pagpanghold-up sa ila lugar.
Pa-alinton sang Punong Barangay sa publiko nga mangin aligmat sa palibot sa tion nga maglagaw kag gilayon nga magpalayo kun makakita sang indibidwal nga indi kakilala kag makaduluda.
Samtang, nagpasalig man ini nga pagatinguhaan sang ila Barangay kaupod ang mga opisyales nga indi na maliwat ang kasubong sini nga insidente.
