Masami ka man nga nagapanghugas sang pinggan sa inyo nga balay?
Bal-an mo bala nga ang paghugas sang pinggan ang nagapadula sang stress sang isa ka indibidwal?
Aton ini nga hibaluon.
Sa isa ka pagtuon ni Adam Hanley, doctoral candidate sang College of Education’s Counseling and School Psychology Program sa Florida University, ang pinakamaayo nga pamaagi agud makalma ang paminsaron amo ang pagpanghugas sang pinggan.
Ini ang base sa nangin resulta sang nasambit nga pagtuon, suno diri ang masami nga paghugas sang pinggan sang isa ka indibidwal ang nagapakuha sang stress kag nagapasangkad sang well-being sang isa ka indibidwal.
Natukiban ni Hanley nga paagi sa pagpanghugas sang pinggan, nagabulig ang kabugnaw sang tubig kag ang hamot sang habon kun ikaw ang nagapanghugas sang pinggan nga magpakalma sang paminsaron.
Maluwas sa pagpakalma sang paminsaron sang isa ka indibidwal, ang nasambit man nga aktibidad ang nagapanubo man sang anxiety level kag nagabulig man nga makalikaw sa pag-angkon sang depresyon.
