Target suguran sang Pilipinas kag Denmark ang pagpangita sang bag-o nga fishing ground para sa mga Pilipino sa Benham Rise kag sa Palawan sa West Philippine Sea.
Suno kay Department of Agriculture Sec. Francisco Tiu Laurel Jr. pagatudluan man sang Danish experts ang mga Pilipino kun paano magpangdakop sang isda sa 300 tubtob 400 feet below sea level kun sa diin may madamo nga isda nga pwede madakpan.
Dugang pa sang mga ini nga parte sang P200 million nga proyekto, pagapondohan pinaagi sa isa ka grant nga nagikan sa Denmark apang kinahanglan sang Pilipinas nga i-shoulder ang refitting sang isa sa vessels sini.
Sa pagkamatuod, may yara na nga ginapahayag nga basic agreement apang kinahanglan ini nga i-renew bangud madugay na ang nasambit nga kasunduan kag kinahanglan ini nga i-update.
Suno kay Danish Ambassador to the Philippines Franz-Michael Mellbin, ang nasambit nga research project ang isa sa pamaagi sang Denmark agud kilalahon ang mga kinamatarong sang mga Pilipino nga mangisda sa katubigan sang Pilipinas.
