Nagtuga naman sang indi paghangpanay sa bahin sang isa ka opisyal sang National Bureau of Investigation (NBI) ang pagpangusisa ni Senator-Judge Robin Padilla tuhoy sa identity sang indibidwal nga nagrekord sang video ni Vice President Sara Duterte.
Sa tunga-tunga sang hearing, ginhingyo ni Padilla ang testimonya sang gina-alegar tawo sa likod sang pag-record sang nasambit nga video agud ma-check kag ma-validate kun ano ka matuod ang video material.
Bangud sini, nagluntad ang pagligbog sang ulo sa bahin sang testigo nga si NBI Agent Mark Calilung.
Nagaguwa nga mismo si Calilung ang naghimo sang screen recording sa video gamit ang application bilang kabahin sang ila imbestigasyon.
Apang gin-athag sa hearing nga ang aktwal nga ginatumod kag ginapangita ni Padilla indi ang tawo nga nagrekord sang screen, kundi ang tawo nga nagkuha ukon nag-film sang original nga video ni VP Duterte agud masiguro ang kredibilidad sang mga ebidensya.
